Minis Raina Forbin mete aksan sou wòl jèn yo epi li felisite reprezantan nasyonal la sou wout li pou koup di mond 2026 la.

Ekselans Madan Raina Forbin, Minis Afè Etranjè ak Relijye yo, te rankontre ak enfliyansèz Ariana Miragro Lafond ak foutbolè Olivier Woodensky Pierre nan Ministè Afè Etranjè yo nan Samdi 16 Me 2026.

Minis la felisite Olivier Woodensky Pierre, sèl reprezantan Premye Divizyon an (D1) sou lis 26 jwè Grenadiers yo ki pral reprezante peyi nou an nan koup di mond 2026 la.

Pandan de reyinyon sa yo, Minis la te mete aksan sou patisipasyon jèn yo nan inisyativ ki gen rapò ak pwomosyon lapè, reyentegrasyon sosyal ak dyalòg entèrelijye, patikilyèman nan kontèks konferans nasyonal lidè relijye yo ke Ministè a te òganize nan dat 28 ak 29 me a.